Ֆրանսիայում Սոցիալիստական խմբակցության անդամները սենատում սկսել են քննարկել Հայոց ցեղասպանության ժխտման համար քրեական պատիժ սահմանող օրինագիծը:
Օրինագիծը քննարկելուց առաջ պատգամավորները լսել են հայկական ու թուրքական սփյուռքի ներկայացուցիչներին, ինչպես նաև պատմաբանների, գիտնականների և իրավաբանների:
Ինչպես գրում է Regnum.ru-ն, թուրքական կողմի ներկայացուցիչ Դեմիր Օգները նշել է, որ հայերի ու թուրքերի միջև թշնամություն չկա, հայերը տարբեր երկրներում բարձրացնում են ցեղասպանության հարցն իրենց իսկ հարցերը լուծելու համար: «Սակայն այս քաղաքականությունը ոչ մի օգուտ էլ չի բերում հասարակ հայ քաղաքացուն, ԱՄՆ-ում, Ռուսաստանում կամ այլ օտար երկրներում ապրող հարուստ հայերը ցանկանում են խանգարել հայ-թուրքական հարաբերությունների զարգացմանը»,- ասել է Օգները:
Թուրքական կողմի ներկայացուցչի կարծիքով՝ Հայոց ցեղասպանության հարցի բարձրացումը դարձել է այս հարցով զբաղվող կազմակերպությունների համար եկամտի միջոց:
«Դաշնակներն ունեն երեք հիմնական նպատակ. Ցեղասպանության ճանաչում, Թուրքիայից ստանալ փոխհատուցում, ապա թուրքական հողերի նկատմամբ պահանջ ներկայացնել»,- նշել է թուրք դիվանագետը:
