Լ. Անանյանն «էն գլխից» էր դեմ

Գրողների միության նախագահ Լեւոն Անանյանը երեկ ընդունված «Լեզվի մասին» օրենքի վերջնական տարբերակին ծանոթ չէ, սակայն մեզ հետ զրույցում նշեց, որ ինքը «էն գլխից դեմ է եղել այդ օրինագծին». «Ես կարծում եմ, որ օտարալեզու դպրոցների վերաբերյալ կետը չպիտի մտցվեր «Լեզվի մասին» օրենքի մեջ, թող կառավարությունն առանձին որոշում ընդուներ օտարալեզու դպրոցներին արտոնագիր տալու վերաբերյալ»:
Անանյանի գնահատմամբ, «Լեզվի մասին» օրենքի մեջ փոփոխություններ ամրագրելով` մենք ակամա սողանցք ենք բացում հաջորդ սերունդների առջև` այդ օրենքը տարաբնույթ մեկնաբանություններով ներկայացնելու համար: