Վերջին մի քանի ամիսների ընթացքում միանգամից մի քանի եվրոպական երկիր հայտարարեցին լուրջ տնտեսական խնդիրների մասին և ԱՄՀ-ից ստացան մեծ գումարներ: Հիմա էլ հսկայական գումար է ստանում Լեհաստանը:
Ինչպես հայտնում է ИНТЕРФАКС-ը, Լեհասատանը դիմել է Արժույթի միջազգային հիմնադրամին (ԱՄՀ)` խնդրելով ավելացնել երկրին տրվող վարկը` $21 մլրդ-ից մինչև $29 մլրդ: Հիմնադրամի ղեկավարությունը խոստացել է լուծել այդ հարցը կարճ ժամանակահատվածում:
Լեհաստանը ձգտում է նաև երկարաձգել ներկայիս վարկի ժամկետը, որը տրվել է նրանց հուլիսին մեկ տարով` հասցնելով այն 2 տարվա: Հիմնադրամի փոխնախագահ Լիպսկին խոստացել է ԱՄՀ-ի տնօրենների խորհրդին կոչ անել շուտափույթ կերպով հաստատել վարկի հատկացումը: ԱՄՀ-ի վերջին կանխատեսումներով, Լեհաստանի ՀՆԱ-ն 2011թ.-ին կաճի 4%-ով:
Արդյոք սա նշանակում է, որ սա լեհական տնտեսությունը փրկելու համար է, ցույց կտան ապագա հրապարակումները:
