Մասաչուսեթսի նախկին նահանգապետ, Հանրապետական կուսակցության անդամ Միտտ Ռոմնին 2000 թվից հետո ԱՄՆ նախագահի ամենահարուստ թեկնածուն է: Այս մասին գրում է The Wall Street Journal պարբերականը՝ վկայակոչելով Wealth-X խորհրդատվական ընկերությանը:
Ռոմնիի կարողությունը (2008 թ. նա պատրաստվում էր մասնակցել նախագահական ընտրություններին, իսկ հետո պաշտպանեց Մակքեյնի թեկնածությունը) գնահատվում է 250 մլն դոլար: Սա 2000 թվից հետո նախագահի թեկնածուների ամենամեծ կարողությունն է: Մինչ այդ ամենահարուստ թեկնածուն համարվում էր Սթիվ Ֆորբսը, որի կարողությունը գնահատվում էր 450 մլն դոլար:
Վերջին 20 տարիների ընթացքում ԱՄՆ նախագահի ամենահարուստ թեկնածուն եղել է Ռոսս Պերոն, որը մասնակցել է 1992 թ. և 1996 թ. ընտրություններին: Նրա ակտիվները Wealth-X-ը գնահատել է 3.58 մլրդ դոլար:
Այսպիսով, Ռոմնին նախագահի ամենահարուստ թեկնածուների ցուցակում զբաղեցնում է երրորդ տեղը:
