TorrentFreak բլոգը կազմել է 2011 թվականի «ամենածովահենային» խաղերի ցանկը: PC-ի համար նախատեսված խաղերի կատեգորիայում առաջին տեղը զբաղեցրել է Crysis 2-ը:
Lenta.ru կայքը հաղորդում է, որ «ամենածովահենային» խաղերի ցանկը կազմելիս՝ հաշվի է առնվել այն փաստը, թե քանի անգամ է խաղն անօրինաբար ներբեռնվել: Crysis 2 խաղը մեկ տարվա ընթացքում ներբեռնվել է 3.92 միլիոն անգամ:
«Ամենածովահենային» խաղերի ցանկում երկրորդ տեղը զբաղեցրել է Call of Duty–Modern Warfare 3 խաղը, որը ներբեռնվել է 3.68 միլիոն անգամ: Լավագույն հնգյակում են նաև Battlefield 3-ը, FIFA 12-ը և Portal 2-ը։