2012-ը խոստանում է վառ լինել, ինչպես միշտ՝ ամանորյա տոնակատարությունների հաշվին: Սակայն դրանով ամեն ինչ չի ավարտվում: Ձեզ և ձեր մտերիմներին ուրախություն կարող եք պարգևել ամբողջ տարի: Ամենաարկածասեր զբոսաշրջիկներին առաջարկում ենք աշխարհի ամենազարմանալի տոները, որոնց դուք պետք է մասնակցեք:
Ներկերի փառատոն. Այն անցկացվում է Նյու Դելիում գարնանը՝ նորալուսնի օրը, և տևում է 2 օր: Ըստ ավանդույթի՝ մահացել է Խոլիկա չար դևը՝ աշխարհն ազատելով չարից: Տոնը նշում են բոլոր քաղաքներում, մասնակիցները կրակներ են վառում, որ խորհրդանշում են ձմեռվա ավարտը և չար ոգիների մահը: Առավոտյան սկսվում է ամենաուրախ պահը. մարդիկ դուրս են գալիս փողոցներ և սկսում միմյանց վրա լցնել տարբեր գույների ջուր և վառ երանգների փոշիներ:
Հագուստի համար ավելի անվտանգ է Ֆիլիպինների Բագիո քաղաքում ամեն տարվա փետրվարին անցկացվող Panagbenga գույների փառատոնը, որի ժամանակ պարուհին շուրջբոլորը ջուր է ցողում:
Չիլիի Զատկի կղզում անցկացվում է նախնիներին նվիրված Տապատի տոնը, որի ժամանակ մարդիկ հետաքրքիր հագուստներ են հագնում և պարեր կազմակերպում: Միջոցառումների ժամանակ ընտրում են թագուհու, որը պետք է լինի գեղեցիկ, աշխատասեր, խիստ ժյուրիի անդամներին պատմի, թե որքան ձուկ է որսացել:
Շոտլանդիայի Լերվիկ քաղաքում Ապխելիո տոնի ժամանակ ստեղծում են վիկինգների 9 մետրանոց նավի մոդելը, քթին՝ ավանդական վիշապ: Քաղաքացիները հագնվում են վիկինգների նման, ջահերով երթեր կազմակերպում:
Անգլիացիներն ամեն տարի անցկացնում են պանիր բռնելու մրցույթ: Գլոստերի մոտ գտնվող ոչ մեծ գեղեցիկ վայրում մայիսի վերջին երկուշաբթին արկածախնդիրները վազում են գլորվող պանրի ետևից: Հաղթում է նա, ով առաջինն է բռնում գլորվող պանրի կտորը: Այս մրցակցության ժամանակ հաճախադեպ են վնասվածքները:
Եթե Անգլիայում պանրի հետևից են վազում, Ֆիլիպինների Սոնկայրավի քաղաքում ամեն տարի հուլիսին տասնյակ տղամարդիկ, իրենց սիրելի կանանց մեջքի վրա դրած, մեծ արագությամբ անցնում են 253.5 մետր ճանապարհ: Նա, ով առաջինը իր սիրելիին հասցնի սահմանված գծին՝ առանց նրան գցելու, կստանա որպես մրցանակ կստանա գարեջուր և այլ նվերներ:
Ամենապարզ և արտասովոր փառատոնը տեղի է ունենում ԱՄՆ Ջորջիա նահանգում: Այն կոչվում է Summer Redneck Games, որի ժամանակ մարդիկ ցատկում են հեղուկ կավի մեջ:
Ուելսում ամեն տարի օգոստոսի վերջին երկուշաբթին տասնյակ խիզախներ սուզվում են ճահճի մեջ և «լողում» 55 մետր՝ օգտվելով միայն լողակներից և շնչելու սարքերից: Այստեղ, ի դեպ, բոլորը մրցանակ են ստանում:
ԱՄՆ Նևադա նահանգում ամեն տարի նշում են Burning Man փառատոնը, որի ժամանակ զբոսանավը «լողում է» ավազի վրայով: Փառատոնի սիրահարները նշում են, որ իրենց համար կարևոր է դրան մասնակցելը, որպեսզի իրենց զգան յուրօրինակ համայնք, հարգեն արվեստի հիմքերը և խոսքի արտահայտման ազատությունը: Փառատոնն անցկացվում է Black Rock անապատում, որտեղ ավազից քաղաք են պատրաստում, որում յուրաքանչյուրը կարող է դրսևորել իր պոտենցիալը: Շաբաթվա վերջում, երբ ամեն ինչ հավաքվում է, և արվեսստի ստեղծագործությունները ջնջվում են, խրտվիլակ են այրում, որի համար էլ միջոցառումը կոչվում է «Այրվող մարդու տոն»: