ՍԴՀԿ ատենապետ Լյուդմիլա Սարգսյանն ուզում է, որ 2012-ը լինի ակտիվ, քաղաքացիական հասարակության տարի: Այս մասին նա ասաց «Առաջին լրատվական»-ի հետ զրույցում:
«Ցանկանում եմ, որ քաղաքացին, կատարելով իր քաղաքացիական պարտքը, ներկայանա որպես միասնական ուժ: Միայն այդ դեպքում ընդդիմությունը կկարողանա լուծել ժողովրդի առջև ծառացած խնդիրները»,- ասաց Լյուդմիլա Սարգսյանը:
Նա Նոր տարում հայ ժողովրդին ցանկացավ բարեկեցություն, կայունություն: «Եվ ամենակարևորը, որ մարդիկ կարողանան պայքարել, ոչ թե երկիրը լքել, կարողանան հասկանալ, որ պայքարով կարելի է շատ բան ձեռք բերել, իսկ երկիրը լքելով՝ ընդամենը կորցնում են իրենց հայրենիքը՝ վարչախմբին հնարավորություն տալով կրկին վերարտադրվել: Միայն ժողովուրդն է, որ կարող է իր ակտիվ նախաձեռնություններով Հայաստանում ինչ-որ բան փոխել: Վստահ եմ, որ 2012-ին հայ հասարակությունն առավել ակտիվ կլինի, քանի որ դրա բոլոր նախադրյալները կան»,- ամփոփեց ՍԴՀԿ ատենապետը:
