Արագ սննդի McDonalds ռեստորանային ցանցի բաժնետոմսերը 2011 թվականի արդյունքներով ցույց են տվել ամենաարագ աճը ամերիկյան «կապույտ ֆիշկաների» շրջանում: Ընկերության արժեթղթերը մեկ տարվա ընթացքում թանկացել են 33.5 տոկոսով:
Այս մասին ասվում է Dow Jones Indexes մամուլի հաղորդագրության մեջ, որը հաշվում է ԱՄՆ ֆոնդային շուկայի ինդեքսները:
Բաժնետոսմների աճով երկրորդ տեղը զբաղեցնում է համակարգիչներ արտադրող և ծրագրային ապահովման IBM ընկերությունը, որի արժեթղթերը թանկացել են 26 տոկոսով: Առաջատարների հնգյակ մտել են Pfizer բժշկական ընկերությունը (23 տոկոս աճ), շինանյութերի վաճառքով զբաղվող Home Depot (20 տոկոս) ընկերությունների ցանցը և աշխարհում խոշորագույն սննդի արդյունաբերության Kraft Foods ընկերությունը (19 տոկոս):
2011 թվականի արդյունքներով՝ ԱՄՆ ֆոնդային ինդեքսներն իջել են. Standard & Poor’s 500-ը նվազել է 0.4 տոկոսով, Nasdaq-ը` 2.2 տոկոսով: Կարևոր դերակատարում ուներ դեկտեմբերի 28-ի աճուրդը: Այդ օրը ֆոնդային ինդեքսները զգալի իջել են` Dow Jones-ը կորցրել է մոտ մեկ տոկոս, S&P 500` 1.2 տոկոս, իսկ Nasdaq-ը` 1.3 տոկոս: Եթե այս աճուրդն հաջողությամբ ավարտվեր, ապա ԱՄՆ տարին կփակեր «դրական» ցուցանիշով:
