Թուրքական Haber7-ի փոխանցմամբ՝ Թուրքիայի վարչապետ Ռեջեփ Էրդողանը հայտարարել է, որ Թուրքիան պետք է ընդլայնի իր ռազմական արդյունաբերության զարգացման նախագծերը, որոնք կոչված են երկրին տեղական արտադրության անհրաժեշտ ռազմական տեխնիկայով ապահովելուն.
«Այդ պլանում մենք պետք է օրինակ վերցնենք Իրանից, ով բավական զարգացրել է իր ռազմական արդյունաբերությունը։ Օրինակ, Իրանն արտադրել է 2000-2500 կիլոմետր հեռահարություն ունեցող հրթիռներ։ Մինչդեռ թուրքական հրթիռների առավելագույն հեռահարությունը կազմում է ընդամենը 150 կիլոմետր։
Բացի այդ, Իրանն իր ռազմական տեխնիկան արտադրում է Եվրոպայից անկախ՝ ուշադրություն չդարձնելով միջազգային պատժամիջոցներին։ Թուրքիան նույնպես կարող է արտադրել սեփական ռազմական արտադրանք»։
