Կիպրոսում հայտնաբերել են գազի հսկայական պաշարներ: Կիպրոսի նախագահ Դմիտրիս Խրիստոֆիասը հայտարարել է, որ Միջերկրական ծովում գտել են գազի պաշարներ:
Ինչպես գրում է РИА Новости –ն, ծովի այն հատվածում որտեղ աշխատում էր ամերիկյան Noble Energy ընկերությունը, գազի պաշարները հասնում են 140-225 մլրդ խորանարդ–մետրի: Այս բացահայտումը մեծ նշանակություն կունենա կղզի-պետության համար:
Հիշեցնենք, որ ամերիկյան Noble Energy ընկերությունը, չնայած Թուրքիայի առարկություններին, սեպտեմբերից հորատման աշխատանքներ է կատարում Կիպրոսի շելֆում:
Թուրքիայի էներգետիկայի նախարար Թաներ Յիլդին նշել է, որ շելֆի գործարկումից հետո Անկարան՝ նավթային TPAO ընկերության հետ համատեղ, կսկսի նավթային ուսումնասիրություններ իրականացնել:
Կիպրոսի կառավարությունը հայտարարում է, որ Թուրքիայի առարկությունները հակասում են միջազգային իրավունքներին:
