Դեկտեմբերի 24-ին, ժամը 14.15-ի սահմաններում Վանաձոր-Ալավերդի մայրուղու 35-րդ կմ-ին հարակից տարածքում իրականացվել են վտանգավոր քարաթափման տեղամասի պայթեցման աշխատանքներ:
Ժամը 16.00-ի դրությամբ քարաթափման վտանգ չկա` իրականացվում են ճանապարհի մաքրման աշխատանքներ:Դեպքի վայրում են գտնվել Հայաստանի փրկարար ծառայության տնօրեն, գեներալ-մայոր Ս. Ազարյանը, այլ պաշտոնական անձինք: Դեպքի վայրում է գտնվել նաև Լոռու մարզպետ Ա. Նալբանդյանը:
Թումանյանի «Ճանշին» ՓԲԸ-ի տնօրեն Ս. Տիտանյանից տեղեկություն է ստացվել, որ նշված ճանապարհահատվածը միակողմանի անցանելի է:
Այսօր ճանապարհահատվածի երկկողմանի երթևեկությունը վերականգնելու նպատակով կշարունակվեն մաքրման և վերականգնման աշխատանքները:
