Կահիրեում սկսվել է դեսպանատների վրա հարձակվողների դատական գործընթացը

Կահիրեում սկսվել է դատական գործընթաց՝ 76 ջարդարարների նկատմամբ, ովքեր մասնակցել են իսրայելական և սաուդյան դեսպանատների վրա հարձակումներին: Այս մասին հաղորդում է MIGnews.com կայքը:

Դատավարությունն ընթանում է Եգիպտոսի գերագույն ռազմական տրիբունալում:

Հիշեցնենք, որ սեպտեմբերի 10-ին եգիպտացիների ամբոխը ներխուժել էր Իսրայելի դեսպանատան շենք: Մեծ դժվարությամբ հաջողվել էր դեսպանատան աշխատակիցներին այնտեղից հեռացնել:

Միաժամանակ գրոհի էր ենթարկվել նաև Սուադյան Արաբիայի դեսպանատունը: