Եմենի մայրաքաղաք Սանայում հակակառավարական ցույցը ցրելու ժամանակ զոհվել է յոթ մարդ, տասնյակ մարդիկ վիրավորվել են: Այս մասին հաղորդում է France-Press գործակալությունը:
Շաբաթ օրը տասնյակ հազարավոր մարդիկ դուրս են եկել Սանայի փողոցներ` պահանջելով, որ դատական գործ հարուցվի երկրի նախկին նախագահ Ալի Աբդալլահ Սալեհի նկատմամբ: Այն բանից հետո, երբ մարդիկ սկսել են մոտենալ Սալեհի նստավայրին, անվտանգության ուժերը կրակ են բացել:
Հիշեցնենք, որ Եմենում հակակառավարական ելույթները սկսվել էին այս տարվա փետրվարից։ Դրանց ընթացքում ցուցարարները պահանջում էին նախագահ Սալեհի հրաժարականը, ով երկիրը կառավարում էր 33 տարի: Սալեհի հրաժարականից հետո, սակայն, ցույցերը երկրում չեն դադարում:
