ԱՄՆ Հանրապետական կուսակցության ներկայացուցիչ Նյութ Գինգրիչը կփորձի ընտրվել 2012 թվականին ԱՄՆ-ում կայանալիք նախագահական ընտրությունների թեկնածու` օգտագործելով կենդանիների հետ իր նկարները:
Հայտարարվել է, որ նրա քարոզարշավի համար կստեղծվի ինտերնետային կայք, որտեղ կտեղադրվեն հանրապետական թեկնածուի նկարները, որոնցում նա պատկերված կլինի տարբեր կենդանիների հետ:
The Ticket-ը գրում է, որ Նյութ Գինգրիչն արդեն բազմիցս հայտնել է կենդանիների նկատմամբ իր սիրո մասին: Իսկ անցած ամառ նա անգամ քարոզարշավ է ունեցել Ֆլորիդայի կենդանաբանական այգում, որտեղ նա ներկայացվել է, որպես անհետացման վտանգի տակ գտնվող վագրերի «փորձագետ»:
Հոկտեմբեր ամսին Գինգրիչը CNN-ին տված հարցազրույցում ասել է, որ երբեք չի մտածել քաղաքականություն մտնելու մասին, այլ միշտ երազում էր դառնալ կենդանաբանական այգու տնօրեն:
