Եվրոգոտու ավելի քան 500 բանկեր մասնակցել են Եվրոպական կենտրոնական բանկի պատմության մեջ առաջին անգամ իրականացվող անսահմանափակ աճուրդին `վարկ վերցնելու համար: Ընդհանուր հաշվով նրանք երեք տարի վարկային ժամկետով վերցրել են 490 մլրդ եվրո:
BBC-ն գրում է, որ անսահմանափակ աճուրդի հիմնական նպատակն այն է, որ բանկերին հնարավորություն տրվի այս գումարով գնել պետական պարտատոմսեր կամ հաճախորդներին վարկ տրամադրել:
Բացի դա, անսահմանափակ աճուրդը կմեղմի այն մտահոգությունը, որ ԵՄ-ում սկսվելու է վարկային ճգնաժամ:
Չնայած ձեռնարկված միջոցառումներին՝ այն հանգամանքը, որ այսքան մեծ թվով բանկեր դիմել են ԵԿԲ-ին, արդեն վկայում է ֆինանսական խնդիրների մասշտաբների մասին:
