Ուկրաինայի նախագահ Վիկտոր Յանուկովիչը հայտարարել է, թե «դեմ չէ», որ երկրի նախկին վարչապետ 3ուլյա Տիմոշենկոն ազատ արձակվի: Ինչպես հաղորդում է BBC-ն, Յանուկովիչը նշել է, որ չի կարող ազդել դատական գործընթացի վրա:
«Ես դեմ չեմ, որ Յուլյա Տիմոշենկոյին ազատ արձակեն որոշակի պայմաններով, որոնք նախատեսվում են ուկրաինական օրենքներով»,- հայտարարել է Յանուկովիչը: – Ավելին՝ ես կցանկանայի, որ այդ գործը հնարավորինս արագ ավարտվեր: Ես դրանում ավելի շահագրգռված եմ, քան որևէ մեկը»:
Նախագահն ավելացրել է, որ պաշտպանում է Քրեական օենսգրքի հոդվածների ապաքրեականացման օրինագիծը՝ ակնարկելով, որ եթե խորհրդարանն այդպիսի օրենք ընդունի, ինքը դա կստորագրի:
Յանուկովիչը նաև հավատացրել է, որ ցանկանում է, որ այդ գործը լինի ոչ թե քաղաքական, այլ իրավաբանական: Նա Տիմոշենկոյին մեղադրել է դատական գործընթացը քաղաքականացնելու համար:
«Եթե հանցագործությունը դատարանում ապացուցվի, դրա համար պետք է պատասխանատվություն կրել»,- եզրակացրել է Ուկրաինայի նախագահը: