ԵՄ-ը դեկտեմբերի 21-ին պաշտոնապես հանել է Լիբիայի ԿԲ-ի և ներդրումային Libyan Arab Foreign բանկի նկատմամբ պատժամիջոցները:
Ինչպես հայտնում է France-Presse գործակալությունը, համապատասխան որոշումը կայացվել է Բրյուսելում կայացած նիստի ժամանակ, որին մասնակցել են ԵՄ 27 անդամ երկրները: Փաստաթղթում ասվում է, որ այդ քայլը նպաստելու է Լիբիայի տնտեսության ամրապնդմանը և երկրի իշխանություններին օգնելու է վերականգնել այն:
ԵՄ որոշումով, ապասառեցվելու է տասնյակ միլիարդ դոլար, որը պահվում է ԵՄ երկրներում տարբեր բանկային հաշիվներում: Լիբիական պատերազմը սկսվելուց հետո աշխարհում սառեցվել է մոտ 150 միլիարդ դոլար, որը պատկանել է Տրիպոլիին:
Լիբիայի ֆինանսական ինտիտուտների դեմ միջազգային պատժամիջոցները մտցվել են 2011 թվականի սկզբին քաղաքացիական պատերազմ սկսվելուց հետո:
Դեկտեմբերի 16-ին ՄԱԿ-ի ԱԽ որոշմամբ հանվեցին Լիբիայի նկատմամբ ֆինանսական պատժամիջոցները: Դեկտեմբերի 17-ին Լիբիայի նկատմամբ պատժամիջոցները հանեց նաև ԱՄՆ-ը:
