The Daily Beast պարբերականը հրապարակել է ժամանակակից հայտնությունների ամենաազդեցիկ երեխաների ցուցակը: 20 անուններից բաղկացած ցուցակը կազմվել է E-Poll Market Research ընկերության անցկացրած հետազոտության հիման վրա:
Ցուցակը կազմելիս հաշի են առնվել շոու-բիզնես աստղերի երեխաների անունների հիշատակությունները տպագիր մամուլում, ցանցային ռեսուրսներում, սոցիալական կայքերում և այլն: Մասնագետները վերլուծել են մինչև 6 տարեկան հայտնի երեխաների մասին տեղեկությունը:
Մեդիա հետազոտության արդյունքում պարզվել է, որ այս պահին ամենաազդեցիկ «աստղային» երեխան Թոմ Կրուզի և Քեթի Հոլմսի դուստր Սուրին է: Հնգամյա Սուրիի լուսանկարները, ինչպես նաև նրա մասին գրառումները պարբերաբար հայտնվում են մամուլում, իսկ լրագրողները հաճախակի նշում են, որ նա ամենաերեսառած երեխան է հայտնի մարդկանց երեխաների մեջ:
«Աստղային» երեխաների ցուցակի երկրորոդ հորիզոնականում հայտնվել է ֆուտբոլիստ Դևիդ Բեքհեմի և դիզայներ Վիկտորյա Բեքհեմի հինգ ամսական դուստրը՝ Հարփեր Սևեն Բեքհեմը: Երրորդ հորիզոնականը զբաղեցրել է Անջելինա Ջոլի և Բրեդ Փիթ ամուսնական զույգի դուսրտրը՝ Շայլոն:
Բեքհեմների և Ջոլի-Փիթ զույգի մյուս երեաները նույնպես հայտնվել են վարկանիշային աղյուսակում: Այսպես, Բեքհեմի որդին՝ Քրուզը ցուցակի 7-րդ հորիզոնականում է, իսկ Ջոլիի և Փիթի դուստրերը՝ Վիվիենը և Զահարան հայտնվել են համապատասխանաբար 8-րդ և 11-րդ հորիզոնականներում:
Ցուցակն ամբողջությամբ կարող եք տեսնել այստեղ: