«Ժողովուրդ» թերթը գրում է, որ ՀՀ ոստիկանությունը Գեղարքունիքի մարզի Վարդենիս քաղաքում ձերբակալել է 7 հոգանոց մի խումբ, որը Սոթքի ոսկու հանքից հանքաքարեր է գողացել:
«Պարզվում է` խումբն ամիսներ շարունակ ոստիկանության ուշադրության կենտրոնում է եղել և միայն նախօրեին է հաջողվել ձերբակալել: Ըստ Վարդենիսում պտտվող խոսակցությունների` խմբի «պարագլուխը» Սերժ Սարգսյանի եղբայր Սաշիկ Սարգսյանն է, այսինքն` նա է պատվիրել մարդկանց մտնել, ոսկի հանել հանքից և «կիսվել» իր հետ: Համենայնդեպս, «չղջիկների» հարազատները նրա անունն են տալիս, որպեսզի արդարացնեն հանքագողերին: Սակայն Ալեքսանդր Սարգսյանը «Ժողովուրդ»-ի հետ զրույցում վստահեցրեց, որ ինքն այդ ամենի հետ ընդհանրապես կապ չունի. «Ես անգամ տեղյակ չեմ, թե էդ հանքափոր են, ինչ հանք ա, որտեղ ա գտնվում, ուր մնաց թե ես ղեկավարեմ այդ խմբին: Չկա նման բան, սուտ ա: Իմ անունը խի՞ են տալիս»-գրում է «Ժողովուրդ» թերթը:
