Ռուսական Regnum լրատվական գործակալության փոխանցմամբ, Ադրբեջան ժամանած Հետախուզական հարցերով ԱՄՆ պաշտպանության փոխնախարար Մայքլ Վիկերսը Բաքվում մի շարք հանդիպումներ է ունենալու Ադրբեջանի պաշտպանության նախարար Սաֆար Աբիևի ու այլ պաշտոնատար անձանց հետ։
Դիվանագիտական աղբյուրները նշում են, որ այդ հանդիպումներում ամերիկացի գեներալի բանակցությունների հիմնական քննարկման առարկան լինելու է Գաբալայի ռադիոտեղորոշիչ կայանի (ՌՏԿ) հետագա ճակատագիրը։
Գաբալայի ՌՏԿ-ի վարձակալության ժամկետն ավարտվում է հաջորդ տարեվերջին, և Ռուսաստանն ու Ադրբեջանը մտադիր են այդ ժամկետը երկարաձգել մինչև 2025 թվականը։
Հիշեցնենք, որ 2007 թվականին Մոսկվան Վաշինգտոնին առաջարկել էր համատեղ օգտագործել Գաբալայի ՌՏԿ-ն, սակայն Ջորջ Բուշ-կրտսերի վարչակազմը մերժել էր այդ նախաձեռնությունը։
