Արգենտինացի մի խումբ գիտնականներն առաջին անգամ Անտարկտիդայում հայտնաբերել են հսկակայն բուսակեր դինոզավրի` տիտանոզավրի մնացորդներ, որն ապրել է մեզանից 70 միլիոն տարի առաջ:
Ինչպես հայտնում է РБК-ն, հնէաբանները գտել են հնագույն մողեսի կմախքի մի հատվածը սառցե մայրցամաքի ափամերձ Ջեյմս Ռոսս կղզում:
Բուենոս Այրեսի համալսարանի աշխատակիցների հաշվետվությունը հրապարակվել է Naturwissenschaften ամսագրում: Տիտանոզավրի երկարությունը հասնում է 20 մետրի: Մինչև վերջերս հայտնի էր, որ նրանք ապրել են ներկայիս Ասիայի, Աֆրիկայի, Եվրոպայի և Հարավային Ամերիկայի տարածքում:
Այժմ գիտնականները ապացույցներ են ձեռք բերել, որ նրանք ապրել են նաև Անտարկտիդայում: Հնէաբանները գտել են կենդանու ողնարաշարի 20 սմ երկարությամբ մի հատված, որը պատկանել է տիտանոզավրի պոչին:
Հայտագործությունը գիտնականներին հնարավորություն է տվել գալ այն եզարակցության, որ տիտանոզավրերն ապրել են Երկրի բոլոր մայրցամաքներում, համենայն դեպս՝ կավճային դարաշրջանում, և նրանց մի մասն ի վիճակի է եղել գոյատևել ցրտի պայմաններում: