Եվրոգոտու երկրների ֆինանսների նախարարները դեկտեմբերի 19-ին համաձայնություն են ձեռք բերել երկկողմանի վարկերի հաշվին ԱՄՀ-ի ռեսուրսները 150 միլիարդ եվրոյով մեծացնելու համար, որն ուղղվելու է պարտաքային ճգնաժամը հաղթահարելու համար:
Ինչպես հայտնում է Reuters գործակալությունը, Լեհաստանը, Չեխիան, Դանիան և Շվեյցարիան ևս համաձայնել են եվրոգոտին ամրապնդելու համար հիմնադրամին վարկեր տրամադրել:
Նշվում է, որ այդ չորս երկրների կառավարությունները պետք է առաջին հերթին ստանան իրեն խորհրդարանների համաձայնությունը:
Ավելի վաղ հայտնվել էր, որ ԱՄՀ-ին լրացուցիչ 200 միլիարդ եվրո է տրամադրվելու: Այժմ այդ գումարի հարցականի տակ է, քանի որ Մեծ Բրիտանիան դեռ չի որոշել թե ինչքան գումար է պատրաստ հատկացնելու:
Համաձայն պաշտոնական տեղեկության, Մեծ Բրիտանայի իշխանությունները իրենց ներդրման մասին որոշում են կայացնելու 2012 թվականի սկզբին: Դրա հետ միասին, բրիտանական թագավորությունում անանուն աղբյուրները Reuters-ին պատմել են, որ Մեծ Բրտանիան հրաժարվելու է մասնակցել այդ նախագծին:
2011 թվականի նոյեմբերին G20-ի գագաթնաժողովում հայտարարվել էր, որ Մեծ Քսանյակի երկրները համաձայնել են ԱՄՀ-ին անհրաժեշտության դեպքում տրամադրել լրացուցիչ միջոցներ:
