Իրանական Fars News լրատվական գործակալությանը տված հարցազրույցի ժամանակ Իրանի նախագահական գրասենյակի միջազգային հարցերով դեպարտամենտի ղեկավար Մոհամադ Ռեզա Ֆորքանին հայտարարել է, որ նախագահ Մահմուդ Ահմադինեժադն այս ամսվա վերջին այցելելու է Հայաստան։
Ֆորքանին ընդգծել է, որ Սարգսյանի և Ահմադինեժադի հանդիպման ժամանակ կողմերը քննարկելու են երկկողմանի հարաբերություններին և տարածաշրջանային զարգացումներին առնչվող խնդիրներ։
Ահմադինեժադի հայկական այցը տեղի է ունենում Հայաստանի նախագահ Սերժ Սարգսյանի համապատասխան այցի հիման վրա։ Դա պետք է տեղի ունենար դեռևս հունիսի 4-ին, սակայն այցը հետաձգվել էր։
Նախորդ ամիս Հայաստանի արտգործնախարար Էդվարդ Նալբանդյանը հայտարարել էր, որ Իրանի նախագահը Հայաստան է այցելելու այս տարվա վերջին։
Նշվում է, որ Ահմադինեժադը վերջին անգամ Հայաստան է ժամանել 2007 թվականի հոկտեմբերին, իսկ Սերժ Սարգսյանն Իրան է այցելել այս տարվա մարտին։