Ադրբեջանական APA լրատվական գործակալության փոխանցմամբ՝ 2005-2010 թվականներին Ուկրաինան Ադրբեջանին վաճառել է 27 ինքնաթիռ և 12 ուղղաթիռ։
Ընդհանուր առմամբ, հաշվետու ժամանակաշրջանում Ուկրաինան 27 երկրների վաճառել եմ 227 ինքնաթիռ և 39 ուղղաթիռ։ Այդ սպառազինության արտահանման 43.6 տոկոսը բաժին է ընկել Ասիային, 41.7 տոկոսը՝ Եվրոպային, 8.3 տոկոսը՝ Աֆրիկային, 4.4 Ամերիկային, 2 տոկոսը՝ Ավստրալիային և Օվկիանիային։
Ուկրաինայից ամենաշատ ինքնաթիռներ գնել է Բելառուսը (60 հատ), Եմենը (47 հատ), Ադրբեջանը (27 հատ), Էստոնիան (13 հատ) և ԱՄՆ-ը (10 հատ)։
2005-2010 թվականներին Ադրբեջանն Ուկրաինայից գնել է 12 ուղղաթիռ, իսկ Վրաստանը՝ 8 ուղղաթիռ։
Հիշեցնենք, որ ավելի վաղ նշվում էր, թե 2005-2010 թվականներին Ադրբեջանը հետխորհրդային տիրույթի զենք արտադրող երկրների խոշորագույն եռյակից (Ռուսաստան, Ուկրաինա և Բելառուս) գնել է T-72 տիպի 164 տանկ։
