Օմանի արտաքին գործերի նախարար Յուսեֆ Բին Ալաովին այսօր լրագրողներին հայտնել է, որ Արաբական երկրների լիգան լավատեսորեն է տրամադրված և հույս ունի, որ Սիրիան երկուշաբթի օրը կստորագրի երկիր դիտորդների խումբ ընդունելու առաջարկը:
Քաթարի վարչապետ շեյխ Համադ բին Յասեմ Ալ-Թանին նույնպես ասել է. «մենք տեղեկություն ենք ստացել, որ Սիրիայի նախագահ Բաշար Ալ-Ասադը կստորագրի համաձայնագիրը»:
«Տեսնենք, թե արդյո՞ք դա ճիշտ է, թե՝ ոչ»,– ասել է նա:
The Telegraph-ը գրում է, որ 22 անդամ ունեցող Արաբական երկրների լիգան փորձում է Դամասկոսին համոզել ընդունել դիտորդներին` արյունահեղությունը դադարեցնելու նպատակով:
Հիշեցնենք, որ նոյեմբերի 27-ին Լիգան Սիրիայի դեմ խիստ պատժամիջոցներ էր սահմանել, քանի որ Սիրիայի նախագահը հրաժարվում է ընդունել դիտորդներին:
