Մայքլ Ջեքսոնի այն տան իրերը, որտեղ նա ապրել էր իր երեխաների հետ մինչև իր մահը, աճուրդում վաճառվել են մեկ միլիոն դոլարով:
Մինչ աճուրդը կանխատեսվում էր, որ իրերը կվաճառվեն առավելագույնը 200.000-400.000 դոլարի սահմաններում:
Associated Press-ը գրում է, որ գրատախատակը, որի վրա Մայքլ Ջեքսոնի երեխաները հաղորդագրություն էին գրել, վաճառվել է 5000 դոլարով, իսկ պահարանը, որի հայելու վրա Ջեքսոնն ինքն իրեն էր ուղերձ գրել՝ 18.750 դոլարով:
Այն մահճակալի գլխավերևը, որի վրա մահացել էր երգիչը 50 տարեկանում, վաճառքի չի հանվել՝ նրա ընտանիքի խնդրանքով, սակայն այն գորգը, որը մահճակալի տակ էր, վաճառվել է 15.360 դոլարով: Կանխատեսված գինը 400–600 դոլարն էր:
