«Facebook-ի Timeline կոչվող նոր տեսքն արդեն հասանելի է կայքի բոլոր օգտատերերին»,– հաղորդում է USA Today-ը: Չնայած, որ նոր տեսքի վերաբերյալ կարծիքները խիստ տարբեր են և հակասական, այնուամենայնիվ, անհրաժեշտ է մի քանի կարևոր բան իմանալ դրա մասին:
• Գոյություն ունի նոր տեսքի վերանայման 7-օրյա ժամկետ, որի ընթացքում կայքից օգտվողները կկարողանան ծանոթանալ նոր տեսքին, մինչ այն հասանելի կդառնա հանրությանը: 7 օրվա ընթացքում յուրաքանչյուրը կարող է հրապարակել իր նոր էջը, երբ որ ցանկանա:
• Կայքի նոր տեսքում ամենակարևորը շապիկի նկարն է, որը տարբերվում է հիմնական նկարից: Կայքից օգտվողները հնարավորություն կունենան, որպես անձնական նկար, ունենալ իրենց սեփական նկարը, բայց շապիկի համար ընտրել որևէ նկար, որն ավելի շատ բան կասի իրենց անձի մասին:
• Ոչ մի նոր տեղեկություն չի լինելու կայքում: Այն ամենն, ինչ կհայտնվի կայքից օգտվողների պատին, արդեն վաղուց եղել է նրանց էջում:
• Գաղտնիության նախկին կարգավորումները կմնան նույնը:
• Timeline-ը հիմնականում կորոշի, թե կայքում տեղադրած որ տեղեկատվությունն է ավելի կարևոր, այն էլ կցուցադրվի պատին:
• Կայքում գոյություն ունի նոր էջ, որը կոչվում է Activity Log, որի միջոցով կարելի է կարգավորել Timeline-ում երևացող տեղեկատվությունը:
• Իսկ եթե կա որևէ բան կայքում, որը չեք ցանկանում, որ որևէ մեկը տեսնի, կարող եք այն տեսանելի դարձնել միայն ձեզ` գաղտնիության կարգավորումների միջոցով:
• Օգտագործողները կարող են ավելացնել իրենց կյանքում տեղի ունեցող իրադարձությունները` նշելով թվականները, որպեսզի կայքում դրանք հայտնվեն ժամանակագրական կարգով:
• Եվ որ ամենակարևորն է` իմաստ չունի երկարաձգել այս գործընթացը, քանի որ եթե անգամ օգտագործողները 7 օրվա ընթացքում չսկսեն օգտագործել կայքի նոր տեսքը, ապա փոփոխությունն ինքնըստինքյան տեղի կունենա 7 օրից։
