Հայաստանի պահպանողական կուսակցության նախագահ Միքայել Հայրապետյանը Facebook-ի իր էջում այսօր գրում է.
Եթե Հայաստանը պետությանը վայել արժանապատվություն ունենար, ապա պարտավոր էր հենց այն ժամանակ, երբ Սմբատ Կարախանյան անունով ոմնը ինքնակամ խոսոտվանել էր, թե օտարերկրյա՝ Ռուսաստանի իրավապահների հետ «քննարկել» է Հայաստանի ներքաղաքական` ազգային անվտանգության տեսակետից օտարների առջև հրապարակման ոչ ենթակա խնդիրներ, նրան անմիջապես կանգնեցնել Հայաստանի դատարանի առջև, եթե նույնիսկ դրա համար պետք լիներ դեսանտ իջեցնել և դրան առևանգելով բերել երկիր: Այ, դա կլիներ պետության համ և հոտ: Պատկերացնու՞մ եք, գորիկանմանները մարտի 1-ը հետաքննելու փոխարեն ձերբակալված քաղաքական գործիչներին ու քաղաքացիներին հարցնում էին, թե ովքե՞ր են ուզել, որ Ռուսաստանի դերը նվազի Հայաստանում, մինչդեռ հիմա այդ ապաշնորհ և օտարահաճ գորիկակույտն իր գործունեությամբ մատաղ սերնդին քարոզում է, թե կարող եք ռուսի, թուրքի, պարսիկի… մոտ դուրս տալ ձեր իմացածն ու չիմացածը, իսկ վերջում «համագործակցելով» սրբել, մաքրել այդ ստորությունը: Սա նույն տրամաբանության մեջ է, ինչ մարդկության, Հայաստանի ու հայ ժողովրդի թշնամի ԿԳԲ-ի հետ համագործակցած ագենտներին հերոս անվանելը: Հայաստանի հպարտ քաղաքացիներ, կարդանք և ամաչենք մեր պետության համար, հիշենք, թե ինչու է պետք Հայաստանի պետական ղեկն օր առաջ այս օտարերկրյա ագենտներից ժողովրդի ընտրյալ իշխանությանը հանձնել:
