ԱՄՆ իշխանությունները բացահայտել են այն սխեման, որը լիբանանյան իսլամիստական «Հիզբոլլահ» շարժումը օգտագործում էր ամերիկյան ֆինանսական համակարգի միջոցով հարյուրմիլիոնավոր դոլարներ լվանալու համար: Այս մասին հաղորդվում է ԱՄՆ թմրանյութերի դեմ պայքարի վարչության (DEA) կայքում:
Խարդախութունների հայտնաբերման առիթով հայց է ներկայացվել Մանհեթանի դաշնային դատարան: Դիմումում ասվում է, որ Լիբանանից ԱՄՆ փոխանցված գումարներով գնել են օգտագործված մեքենաներ, որոնք հետագայում վաճառվել են Արևմտյան Աֆրիկայում: Ձեռք բերված եկամուտները, ինչպես նաև թմրանյութերի վաճառքից ստացված գումարն այնուհետև ուղարկում էին կրկին Լիբանան: Ամերիկյան իշխանությունների տվյալների համաձայն` 2007-2011 թվականներին Լիբանանից օգտագործված մեքենաներ գնելու համար ԱՄՆ փոխանցվել է առնվազն 329 միլիոն դոլար:
Հայցում վստահեցնում են, որ այս գործընթացին մասնակցել են Lebanese Canadian Bank բանկը և երկու լիբանանյան Hassan Ayash Exchange Company և Ellissa Holding բորսաները: ԱՄՆ մտադիր է այս կազմակերպություններից ստանալ 483 միլիոն դոլար:
Նշենք, որ Վաշինգտոնը «Հիզբոլահին» համարում է ահաբեկչական կազմակերպություն:
