Ուկրաինայի Գերագույն ռադայի ժողովրդական պատգամավոր, Батькивщина կուսակցության անդամ Նատալյա Կորոլևսկայան հայտնել է, որ երկրի նախկին վարչապետ Յուլյա Տիմոշենկոյի կողմնակիցները նրան ներկայացրել են Խաղաղության Նոբելյան մրցանակի:
«Յուլյա Տիմոշենկոն Ուկրաինայի ժողովրդավարության խորհրդանիշն է: Եվ ես կարծում եմ, որ Նոբելյան կոմիտեն ու Եվրոպայի երկրները կօգնեն բեկել ներկա իրավիճակը: Շատ կարևոր է, որպեսզի Ուկրաինայի իշխանություններին ամբողջ աշխարհը նշանակի համար մեկ առաջադրանքը՝ ազատ արձակել անարդարացի դատապարտված մարդուն, որին, ի հավելումն դրա, այսօր փորձում են ծաղրել»,- հայտարել է քաղաքական գործիչը իր բլոգում:
Կորոլևսկայան նշել է, որ Տիմոշենկոյի արժանիքը նրա որդեգրած ակտիվ քաղաքական դիրքորոշման մեջ է: «Նա անցել է Մայդանը, երկրում ժողովրդավարական գործընթացներ է սկսել, ճաղերի ետևում է հայտնվել որպես ընդդիմութան առաջնորդ: Այդ ամենը նրան արժանի է դարձնում Խաղաղության Նոբելյան մրցանակին»,- ավելացրել է պատգամավորը:
Պատգմավորը նշել է, որ Տիմոշենկոյի թեկնածության առաջադրման բոլոր փաստաթղթերն արդեն պատրաստվել և ուղարկվել են Նոբելյան կոմիտեին:
Հիշեցնենք, 2011 թ. նոյեմբերի 11-ին Կիևի Պեչորսկի շրջանային դատարանը Ուկրաինայի նախկին վարչապետ Յուլյա Տիմոշենկոյին դատապարտեց 7 տարվա ազատազրկման:
