Грузия Online-ի փոխանցմամբ՝ Վրաստանի տարածաշրջանային զարգացման և ենթակառույցների նախարար Ռամազ Նիկոլաիշվիլին հայտարարել է, որ «Բաքու-Թբիլիսի-Կարս» (ԲԹԿ) երկաթգիծն ընդգրկվել է աշխարհի 100 ամենակարևոր նախագծերի թվում.
«Մենք արդեն ԲԹԿ-ի 175 կիլոմետրանոց վրացական հատվածի վրա ծախսել ենք 200 միլիոն դոլար։ Այն շահագործման կհանձնվի 2013 թվականին»։
Հիշեցնենք, որ 2007 թվականի փետրվարի 7-ին Վրաստանի մայրաքաղաքում Հայաստանի չորս հարևաններից երեքը՝ Վրաստանը, Ադրբեջանը և Թուրքիան, ստորագրեցին «Թբիլիսյան հռչակագիրը»՝ միմյանց միջև հաղորդակցային և էներգետիկ համագործակցության խորացման մասին:
Երկաթգծի թողունակությունը մոտ հեռանկարում կազմելու է տարեկան 25-30 միլիոն տոննա բեռնափոխադրություն («Գյումրի-Կարս» երկաթգծի դեպքում այդ ցուցանիշը կազմում էր 10 միլիոն տոննա), իսկ ներկայումս՝ 17 միլիոն տոննա։