ԱՄՆ Սենատը հրաժարվել է սահմանադրության մեջ փոփոխություններ մտցնել, որոնց համաձայն պետական ծախսերը չպետք է գերազանցեին եկամուտները: Քվեարկության արդյունքները տեղադրված են Սենատի կայքում:
Դեմոկրատ սենատոր Մարկ Յուդոլիոյի փոփոխությունների տարբերակին կողմ է քվեարկել 21, դեմ՝ 79 սենատոր, իսկ հանրապետական սենատոր Օրրին Հատչի տարբերակին աջակցել է 47, դեմ է արտահայտնվել 53 սենատոր:
Փոփոխությունների ընդունման համար անհրաժեշտ էր ձայների երկու երրորդի գերազանցությունը: Դա չի հաջողվել հավաքել նաև Ներկայացուցիչների պալատում, որտեղ քվեարկությունը տեղի է ունեցել նոյեմբերին: ԱՄՆ նախագահ Բարաք Օբաման նույնպես դեմ է հանդես գալիս այդ փոփոխություններին:
Կոնգրեսի երկու պալատների կողմից բյուջեի հավասարակշռման շուրջ փոփոխությունների քննարկումը այն պայմաններից մեկն էր, որով հանրապետական-պահպանողականները համաձայնեցին 2011թ. օգոստոսին բարձրացնել երկրի պետական պարտքի սահմանը:
