Մեծ Բրիտանիայի բանակի գեներալ Դևիդ Ռիչարդը հայտարարել է, որ Մերձավոր Արևելքում ընթացող այսպես կոչված՝ «արաբական գարունը» կարող է հասնել մինչև Միացյալ Թագավորություն: Ինչպես հաղորդում է Reuters գործակալությունը, Ռիչարդն ասել է, որ Բրիտանիայում ապրող մուսուլմանները կարող են այստեղ բողոքի ակցիաներ սկսել։
Գեներալը նշել է, որ «արաբական գարունը» կարող է սկսվել ներգաղթողների շրջանում և զանգվածային անկարգությունների տեղիք տալ ամբողջ Մեծ Բրիտանիայում:
Ավելի վաղ Daily Telegraph պարբերականը գրել էր, որ Բրիտանիայի ոստիկանությունը քայլեր է ձեռնարկում զանգվածային հնարավոր ակցիաների մասնակիցների «չեզոքացման» համար: Խոսքը հատուկ լազերների մասին է, որ կարող է առաջացնել ժամանակավոր կուրություն:
Բրիտանիայի ոստիկանությունն այսպիսի քայլեր է սկսել ձեռնարկել այս տարվա օգոստոսին երկրում տտեղի ունեցած զանգվածային անկարգություններից հետո:
