Lenta.ru-ն, վկայակոչելով իսրայելական «Եդիոտ Ախրոնոտ» օրաթերթը, հայտնում է, որ ԱՄՆ պաշտպանության նախարար Լեոն Պանետան հայտարարել է, որ ԱՄՆ-ը շարունակելու է անօդաչու ինքնաթիռների միջոցով հետևել Իրանին.
«Դրան չի խանգարի անգամ գերգաղտնի RQ-170 Sentinel-ի կորուստը, որը հայտնվել է իրանցիների ձեռքում։ Այդ թռիչքների շարունակումն անհրաժեշտ է, որպեսզի վտանգի տակ չդրվեն չիրագործված առաջադրանքները»։
Պանետան, սակայն, չի մանրամասնել, թե ինչ առաջադրանքներ են դրանք՝ հրաժարվելով պատասխանել այն հարցին, թե ի՞նչ է տեղի ունեցել Իրանում ընկած RQ-170 Sentinel-ի հետ։
