ՀՖՖ նախագահը և Հայաստանի ազգային հավաքականի կիսապաշտպան Հենրիխ Մխիթարյանը պարգևատրվել են ԼՂՀ պետական պարգևներով:
Այս մասին «Առաջին լրատվական»-ին տեղեկացնում են Հայաստանի ֆուտբոլի ֆեդերացիայի մամլո ծառայությունից:
Դեկտեմբերի 13-ի երեկոյան ՀՖՖ նախագահ Ռուբեն Հայրապետյանը և Հայաստանի ազգային հավաքականի կիսապաշտպան Հենրիխ Մխիթարյանը բարեգործական առաքելությամբ ժամանել էին Լեռնային Ղարաբաղի մայրաքաղաք Ստեփանակերտ:
Դեկտեմբերի 14-ին ԼՂՀ մայրաքաղաք Ստեփանակերտում կայացել է «Արցախի ազատամարտիկների միության» 5-րդ համաժողովը, որին ներկա են եղել նաև ՀՖՖ նախագահ Ռուբեն Հայրապետյանը և Հայաստանի ազգային հավաքականի կիսապաշտպան Հենրիխ Մխիթարյանը:
Համաժողովի ավարտին գեներալ-մայոր Սամվել Կարապետյանը ՀՖՖ նախագահ Ռուբեն Հայրապետյանին պարգևատրել է ԼՂՀ «Հայրենյաց պաշտպան» մեդալով, իսկ Հենրիխ Մխիթարյանն արժանացել է ԼՂՀ վարչապետի մեդալի:
Հայաստանի ազգային հավաքականի կիսապաշտպան Հենրիխ Մխիթարյանը նվերներ է հանձնել ԼՂՀ ազատամարտիկների 15 ընտանիքների
Բարեգործական առաքելությամբ Լեռնային Ղարաբաղի մայրաքաղաք Ստեփանակերտում գտնվող Հայաստանի ազգային հավաքականի կիսապաշտպան Հենրիխ Մխիթարյանը «Արցախի ազատամարտիկների միության» 5-րդ համաժողովի ընթացքում ԼՂՀ ազատամարտիկների 15 ընտանիքների նվիրաբերել է հեռուստացույցներ, լվացքի մեքենաներ և սառնարաններ:
Հ. Մխիթարյանը երկրորդ տարին անընդմեջ բարեգործական առաքելությամբ գնում է Ստեփանակերտ:
Հենրիխ Մխիթարյանը Ստեփանակերտում է ՀՖՖ նախագահ Ռուբեն Հայրապետյանի հետ:
Հաջորդ բարեգործական այցը ՀՖՖ նախագահը և Հայաստանի ազգային հավաքականի կիսապաշտպանը կիրակացնեն դեկտեմբերի 16-ին` այցելելով Գավառ:
