1976 թ. ստորագրված Apple համակարգչային ընկերության հիմնադրման փաստաթուղթը Նյու 3որքի աճուրդում վաճառվել է 1.6 մլն դոլարով: Այս մասին հաղորդում է Bloomberg գործակալությունը՝ վկայակոչելով Sotheby’s աճուրդի տանը:
«Փաստաթուղթը պատկանել է Ռոնալդ Ուեյնին, որը Սթիվ Փոբսի և Սթիվ Վոզնյակի հետ ընկերության համահիմնադիրներից է և ամերիկյան ամենահայտնի ընկերություններից մեկի առաջին ղեկավարը»,- ասվում է Sotheby’s-ի մամուլի հաղորդագրության մեջ:
Apple ընկերությունը համակարգիչների արտադրության շուկայում առաջիններից մեկն է եղել, սակայն մինչ օրս ոլորտում պահպանում է տեխնիկական և դիզայներական առաջնայնությունը:
1976 թ. ապրիլի 1-ին Ջոբսը, Վոզնյակը և Ուեյնը ստորագրեցին Apple ընկերության հիմնադրման պայմանագիրը, ըստ որի՝ Ջոբսին և Վոզնյակին պատկանում էր բաժնետոմսերի 45-ական տոկոսը, իսկ Ուեյնին՝ 10 տոկոսը: Սակայն Ուեյնը, չհավատալով նոր բիզնեսի հաջողությանը (նրա նախորդ բիզնեսը տապալվել էր), 10 օր անց դուրս եկավ պայմանագրից՝ ստանալով 800 դոլար փոխհատուցում, իսկ հետո ևս 1500 դոլար՝ հիմնադրման աշխատանքներում ունեցած ներդրաման համար: