Բեռլինի և Մոսկվայի հետազոտողները կարծում են, որ Ռուսաստանի վարչապետ Վլադիմիր Պուտինը կարող է ինքն իրեն հեռացնել նախագահ Դմիտրի Մեդվեդևից, քանի որ նպատակ ունի վերականգնել հասարակության աջակցությունը` տասնամյակի ամենամեծ հակակառավարական ցույցերից հետո: Գրում է Bloomberg Businesswork-ը:
Քանի որ նախագահական ընտրությունները 2012 թվականի մարտին են, Պուտինն ընդամենը երեք ամիս ժամանակ ունի նոր դիվանագիտություն մշակելու համար, քանի որ նրա կուսակցությունը մեղադրվեց քաղաքական խարդախության մեջ` պատճառ դառնալով, որ հազարավոր ռուսներ դեկտեմբերի 10-ին դուրս գան ցույցի: «Եդինայա Ռոսիա» կուսակցությունը խորհրդարանական ընտրություններում ունեցավ ընտրական ամենամեծ անհաջողությունը, և ի հավելումն դրան` միլիարդատեր Միխայիլ Պրոխորովը երեկ հայտարարեց, որ առաջադրվելու է նախագահի թեկանածու` հակամարտելով Պուտինի հետ:
«Ռուսաստանի առաջնորդները զգուշանում են փողոցային ցույցերից, քանի որ դրանք արթնացնում են երկրի 20-րդ դարի պատմությունը ընդհատած ապստամբությունների հիշողությունները»,- ասել է Ալեքսանդր Ռահրը՝ Բեռլինում հիմնված Արտաքին հարաբերությունների գերմանական խորհրդում:
«Ցույցերը կարող են ստիպել Պուտինին նոր լուծում փնտրել` ցույց տալու համար, որ ինքը լսում է»,– ասել է նա: Դա անելու ձևերից մեկն իր խոստմանը չհետևելը և Մեդվեդևին վարչապետ չնշանակելը կլինի:
