ԱՄՆ կոնգրեսականների ասոցիացիայի նախագահ Ջիմ Սլետերին Ուկրաինայի իշխանություններին կոչ է արել ազատ արձակել նախկին վարչապետ Յուլյա Տիմոշենկոյին: Այս մասին հայտնվում է Բատկիվշչինա (Батьківщина) կուսակցության կայքում:
Սլետերին, որը ԱՄՆ Կոնգրեսի անդամ է եղել վեց անգամ, նշել է, որ 2004 թվականին ընտրությունների մոնիտորինգ անցկացնելու նպատակով մի քանի անգամ այցելել է Ուկրաինա:
«2004 թվականին ես այստեղ էի` հույս ունենալով ձեր երկրում տեսնել ժողովրդավարություն և ազատություն: Ներկայումս ես չափազանց անհանգիստ եմ այն ամենի պատճառով, ինչ տեսա, նրանով, որ Ուկրաինայում չեն հետևում օրենքի գերակայությանը»,- ասել է նա:
Սլետերին Ուկրաինայի ժողովրդին կոչ է արել հույսը չկտրել և շարունակել պայքարը ժողովրդավարության և ազատության համար: Նա նաև նշել է, որ միջնորդություն է ներկայացրել Տիմոշենկոյին մեկուսարանում այցելելու համար, սակայն իրեն մերժել են:
Այժմ նա գտվում է Կիևի վճռաբեկ դատարանի դատական նիստում, որտեղ վերանայվում է Տիմոշենկոյի բողոքարկումը: