Թուրքական Doğan լրատվական գործակալության փոխանցմամբ՝ թուրքական անվտանգության ծառայության աշխատակիցները համաժամանակյա գործողություններ են իրականացրել Ստամբուլ և Սամսուն քաղաքներում։ Դրանց արդյունքում ձերբակալվել է 20 մարդ, որոնցից 15-ը բաժին է ընկել Ստամբուլին, իսկ մնացյալ 5-ը՝ Սամսունին։
Ձերբակալվածները մեղադրվում են ահաբեկչական կազմակերպության անդամ հանդիսանալու կամ ահաբեկչական կազմակերպության հետ առնչություն ունենալու մեջ։ Խոսքը 1994 թվականին ստեղծված «Հեղափոխական ժողովրդական-ազատագրական կուսակցություն-ճակատ»-ի (DHKP-C) մասին է։
Կասկածյալները տարվել են ահաբեկչության դեմ պայքարի բաժանմունք։
