РИА Новости-ի փոխանցմամբ՝ Ռուսաստանի գլխավոր պետական սանիտար Գենադի Օնիշչենկոն կարող է պաշտոնապես ժամանել Վրաստան՝ լուծելու համար դեպի Ռուսաստան տեղական արտադրանքի արտահանման հարցը։
Օնիշչենկոն, սակայն, չի մանրամասնել, թե երբ է պլանավորել այցելել Վրաստան։ Օնիշչենկոյի խոսքերով՝ ներկայումս դիտարկվում է վրացական 7 գինեգործական ընկերությունների հետ համագործակցության հարցը։
Նշվում է, որ ավելի վաղ մի շարք լրատվամիջոցներ տեղեկատվություն են տարածել, թե վրացական 4 ընկերություններ պլանավորել են վերականգնել ցիտրուսների արտահանումը դեպի Ռուսաստան։
Հիշեցնենք, որ ռուսական կողմը վրացական գինիների և «Բորժոմի» հանքային ջրի ներկրումն արգելել է 2006 գարնանը՝ ռուս-վրացական հարաբերություններում լարվածություն առաջանալուց հետո՝ իր որոշումը պայմանավորելով դրանց ցածր որակով։
