ԱՄՆ Տեխաս նահանգի Էդինբուրգ քաղաքում երկու դպրոցականներ հրազենային վնասվածքներ են ստացել դպրոցի սպորտային հրապարակում բասկետբոլ խաղալիս: Ինչպես հաղորդում է ABC News-ը, դեպքը տեղի է ունեցել դեկտեմբերի 12-ի կեսօրին:
Տուժածները 13 և 14 տարեկան երեխաներ են: Նրանցից մեկի վիճակը գնահատվում է ծայրահեղ ծանր:
Տեղի ոստիկանությունից լրագրողներին հայտնել են, որ մեղավորները կարող են լինել մոտակա ֆերմայի որսորդները: Նրանք հարցաքննվում են:
Ոստիկանությունում նաև նշել են, որ առայժմ հայտնի չէ՝ արդյոք երեխաների վրա նպատակաուղված են կրակել, թե դժբախտ պատահար է եղել:
