Երևանի քաղաքապետարանի տեղեկատվության
և հասարակայնության հետ կապերի վարչությունից «Առաջին լրատվական»-ին տեղեկացնում են, որ այսօր տեղի է ունեցել քաղաքապետարանի աշխատանքային հերթական խորհրդակցությունը:
«Տնտեսվարողների կողմից հարակից տարածքների պարտադիր բարեկարգման մասին պայմանագրերի կատարումը Երևանի ավագանու որոշումն է: Ուստի հետևողական աշխատանք պետք է տարվի պարտավորությունների կատարման մասով»,- նշել է քաղաքապետի տեղակալ Կամո Արեյանը:
Ընդգծվել է նաև, որ, հատկապես տեղումների ժամանակ, տնտեսվարողները պարտավոր են իրականացնել իրենց օբյեկտների հարակից տարածքների մաքրման աշխատանքները։
Անդրադառնալով մայրաքաղաքում տոնական զարդարման աշխատանքների ընթացքին` վարչական շրջանների ղեկավարներին ու առևտրի և սպասարկումների վարչությանը հանձնարարվել է հնարավորին կարճ ժամկետում ավարտել նշված աշխատանքները, ինչպես նաև ապահովել մայրաքաղաքի տոնական լուսավորությունը:
Հանձնարարվել է նաև մայրաքաղաքի բոլոր կամուրջների, այգիների, պուրակների և մերձակա հատվածներում, փողոցներում ու բակային տարածքներում կատարվել լայնածավալ մաքրման աշխատանքեր:
«Երևանն իր տոնական զարդարանքին համապատասխան մաքուր տեսք պետք է ունենա»,- նշել է Կամո Արեյանը:
Բազմաբնակարան շենքերի բակային տարածքներում և շքամուտքերում անօրինական առևտրուրը կանխելու նպատակով վարչական շրջանների ղեկավարներին հանձնարարվել է համատիրությունների հետ համատեղ ակիվ աշխատանք տանել: Զեկուցվել է, որ անցյալ շաբաթվա ընթաքում արձանագրված դեպքերի մասով կազմվել են վարչական արձանագրություներ և սահմանվել է ամենօրյա հսկողություն:
Ամենօրյա հսկողության ներքո է նաև մայրաքաղաքում եղևնիների և սոճիների համար հատկացված տեղերում բացօթյա առևտրի կազմակերպումը:
Առողջապահության վարչության պետը զեկուցել է, որ շուկաների և ստորգետնյա անցումների սանիտարական վիճակի հետ կապված ստուգայցերի արդյունքում վիճակը այժմ գնահատվում է բավարար, իսկ այն տնտեսվարողների հանդեպ, որոնք կկախտեն սահմանաված կարգը` կկիրառվեն համապատասխան միջոցառումներ:
Հանձնարարվել է նաև գույքագրել լուսավորության անհրաժեշտություն ունեցող գետնանցումները և խնդրի լուծման ուղղությամբ համապատասխան առաջարկություն ներկայացնել:
Մանկապարտեզների ջեռուցման համակարգերի անցկացման հետ կապված տեղեկացվել է, որ աշխատանքներ ամբողջությամբ ավարտված են: Ամփոփելով նախադպրոցական ուսումնական հաստատություններում երեխաներին մատուցվող սննդի որակի նկատմամբ կատարված ստուգումների արդյունքները` վերահսկողության վարչության պետը ներկայացրել է, որ մանկապարտեզներում հայտնաբերվել է խախտման 3 դեպք: Կամո Արեյանը պատասխանատուներին և վարչական շրջանների ղեկավարներին հանձնարարել է պարզել պատճառները և շարունակել հետևողական աշխատանքը`արձանագրելով բոլոր խախտումները:
Աղբահանության պայմանագրերի կնքման և վարձավճարների հավաքագրման մասով Կամո Արեյանը նշել է, որ քաղաքապետի հանձնարարությամբ պետք է հստակեցվի 2012 թվականի ընթացքում սանիտարական մաքրման սխեման և կազմակերպման կարգը:
Զեկուցվել է, որ, ի կատարումն քաղաքապետի հանձնարարականի, ամբողջությամբ գույքագրվել են մայրաքաղաքի արտաքին լուսավորություն չունեցող փողոցները, այգիներն ու պուրակները, հրապարակներն ու անցումները, որոնց ֆինանսավորումը կնախատեսվի 2012 թվականի համայնքային բյուջեում:
Ուսումնասիրություների արդյունքում անբավարար գնահատելով մայրաքաղաքում տարբեր վթարների հետևանքով իրականացվող փորվածքների ասֆալտբետոնե ծածկի և մայթերում սալահատակի վերականգնման աշխատանքերի որակը` համապատասխան վարչությունների և վարչական շրջանների ղեկավարների հանձնարարվել է հսկողություն սահմանել վթարների արագ վերացման և վերականգնման ուղղությամբ և նոր դեպքերի վերաբերյալ արձագանքել անմիջապես:
