ՀՀԿ հետ միասնական ցուցակով ընտրությունների գնալու դեպքում «Բարգավաճ Հայաստանը» զգալի թվով ձայներ կկորցնի: «Առաջին լրատվական»-ի հետ զրույցում այս մասին հայտարարեց ՀՅԴ պատգամավոր Արտյուշա Շահբազյանը:
«Ո՞նց կարող է միասնական ցուցակով ՀՀԿ-ին միանալու դեպքում ԲՀԿ-ն ձայներ տանել կոալիցիոն գործընկերոջը: Նման բան հնարավոր չէ: Հնարավոր չէ, որ նույն ցուցակի մեջ մտնելու դեպքում ԲՀԿ-ից դժգոհ ընտրազանգվածը ՀՀԿ-ին քվեներ տա: ԲՀԿ-ն ուրիշ առանձնահատկություն էլ ունի. նրա ընտրազանգվածն անապահով խավի մարդիկ են, իսկ ԲՀԿ-ն ինքն էլ ընդդիմադիր իմիջ ունի, այնպես որ՝ այդ զանգվածը դեպի ՀՀԿ չի գնա»,- նկատեց Շահբազյանը:
ՀՅԴ պատգամավորը միաժամանակ դժվարացավ ասել՝ ինչ հարաբերակցությամբ կարող են բաշխվել ԲՀԿ-ից դժգոհ մարդկանց ձայները: «Կապրենք, կտեսնենք՝ ինչ կլինի»,- նշեց նա:
