Ամերիկյան Մասաչուսեթս նահանգի ոստիկանությունը շաբաթ օրը Բոստոնում վերացրել է «Գրավիր Ուոլ սթրիրը» ցույցի կողմնակիցների ճամբարը: Associated Press-ի հաղորդմամբ՝ ձերբակալվել են բողոքի ցույցի 46 մասնակիցներ:
Հիշեցնենք, որ «Գրավիր Ուոլ սթրիթը» բողոքի ցույցը սկսվել է Նյու Յորքում՝ սեպտեմբերի 17-ին, և այնուհետև տարածվել է ԱՄՆ-ի մի շարք խոշոր քաղաքներում, ինչպիսիք են՝ Լոս Անջելեսը, Մայամին, Նյու Ջերսին և Վաշինգտոնը։ Այս ցույցն իր համակիրներն է գտել նաև Եվրոպական մի շարք երկրներում:
Մինչ ձերբակալությունը՝ առավոտվա ժամերին ճամբարը շրջապատում էին ոստիկանության մոտ 100 սպաներ, ովքեր պահանջում էին ցույցի մասնակիցներից լքել տարածքը, որը ցուցարարները զավթել էին առանց քաղաքային իշխանությունների թույլտվության:
Ոստիկանության կողմից ձերբակալվել է 32 տղամարդ և 14 կին:
