«Ժողովուրդ»-ի հավաստի տեղեկություններով` ՀՀ ոստիկանությունն ու ՀՀ գլխավոր դատախազության որոշ աշխատակիցներ Հայաստանում գոյություն ունեցող հիվանդանոցներում առայժմ ոչ պաշտոնապես լայնամասշտաբ քննություն են սկսել` պարզելու, թե ԲՀԿ-ն վերջին ժամանակներս ինչ միջոցներով է բարեգործություն իրականացնում:
«Խնդիր է դրված պարզել, թե որտեղից են գնվում ակնոցները, որոնք անվճար բաժանվում են մարդկանց, կամ վարձատրվո՞ւմ են արդյոք բժիշկները` լրացուցիչ աշխատանքի համար, արդյոք ՀՀ պետբյուջեի միջոցնե՞րն են ծախսվում և այլն»:
Թերթը լուրի իսկությունը ճշտելու համար զրուցել է ՀՀ գլխավոր դատախազի մամլո խոսնակ Սոնա Տռուզյանի հետ, ով ասել է, որ քննություն իրականացնելն իրենց գործառույթը չէ:
«Ոստիկանության լրատվության և հասարակայնության հետ կապերի վարչության պետ Աշոտ Ահարոնյանը նշեց, որ դա իրականությանը չի համապատասխանում: Իսկ առողջապահության նախարարի մամլո խոսնակ Շուշան Հունանյանն էլ ասաց, որ ինքը նման տեղեկության չի տիրապետում»,- գրում է թերթը: