Լիբանանի նախագահ Միշել Սլեյմանի այցը Հայաստան լիբանանահայության համար չափազանց կարևոր է հատկապես երկկողմանի հարաբերությունների ամրապնդման տեսանկյունից: «Առաջին լրատվական»-ի հետ զրույցում այս մասին հայտարարեց Լիբանանում լույս տեսնող «Ազդակ» օրաթերթի լիբանանյան լուրերի բաժնի պատասխանատու Արշո Բալյանը:
«Մենք շատ ենք արժևորում այս այցը և հույսեր ունենք, որ երկու երկրների միջպետական կապերն այս այցելությունից հետո էլ ավելի պետք է ամրապնդվեն: Լիբանանահայ համայնքը ամենաաշխույժ, ակտիվ համայնքներից է՝ ակտիվ իր իրավունքների ու պարտականությունների կատարման մեջ: Անկարելի է, որ չցանկանանք մեր երկրների միջև հարաբերություններն ավելի ամուր և աշխույժ տեսնել»,- նկատեց նա:
Նշենք, որ դեկտեմբերի 8-ին Սերժ Սարգսյանի հրավերով պաշտոնական այցով Հայաստան է ժամանել Լիբանանի Հանրապետության նախագահ Միշել Սուլեյմանը կնոջ՝ Վաֆաա Սլեյմանի հետ: