Եվրոպացի թոփ-մենեջերները և ԵՄ հարուստ քաղաքացիները իրենց գումարները զանգվածաբար տեղափոխում են Գերմանիա:
Ինչպես հայտնում է Bloomberg գործակալությունը, սեպտեմբերին Բունդեսբանկը գրանցել է 15 միլիարդ դոլար կապիտալի ներհոսք ոչ բանկային սեկտորից: Օտարերկրյա ներդնողների շնորհիվ Գերմանիայի ԿԲ բալանսը, որը օգոստոսի տվյալներով, ուներ 47 միլիարդ եվրո դեֆիցիտ, արդեն սեպտեմբերին գործում էր պրոֆիցիտով (+700 միլիոն եվրո):
«Ես Իսպանիայից եմ, բայց չեմ հավատում, որ Իսպանիան կմնա եվրոգոտում»,- գործակալությանն ասել է Wi-Fi տեխնոլոգիաներ մշակող մադրիդյան Grupo Gowex ընկերության տնօրենը: «Մենք գումարները տեղափոխում ենք Գերմանիա, քանի որ Իսպանիան, ամենայն հավանականությամբ, վերադառնալու է պեսոյին»,- հավելել է նա:
ԵՄ բիզնես-միջավայրն իր կապիտալը տեղափոխում է Գերմանիա, քանի որ չի վստահում իշխանությունների որոշումներին` եվրոգոտին ճգնաժամից դուրս բերելու վերաբերյալ:
Դեկտեմբերի 9-ին ԵՄ առաջնորդները որոշել են նոր դաշինք ստեղծել, որի մեջ մտնելու են ԵՄ 27 երկներից 23-ը: Նրա համար իրավանկան հիմք է հանդիսանալու նոր բյուջետային պակտը` խիստ ֆինանասկան դիսցիպլինի մասին փաստաթուղթը, որի ընդունման վրա պնդում էր Գերմանիան: Սակայն ներդնողները չեն հավատում. եվրոյի փոխարժեքը ընկել է, իսկ նավթը` էժանանում է:
