Մեծ Բրիտանիայում կանանց թույլ կտան ծառայել Թագավորական ռազմածովային նավատորմի սուզանավերում: Այս տեղեկությունը հաստատել է Մեծ Բրիտանիայի պաշտպանության նախարար Ֆիլիպ Համմոնդը:
Ինչպես հաղորդում է BBC-ն, 2013 թվականի վերջին կին սպաներն առաջին անգամ կծառայեն Vanguard դասի ատոմային սուզանավերում:
2015 թվականից հետո նրանց նաև կթույլատրվի ծառայության անցնել Astute դասի ատոմային նոր նավերում:
Նշենք, որ նախկինում կանանց արգելում էին ծառայել նավատորմում, քանի որ ածխածնի երկօքսիդը վնասակար էր նրանց առողջության համար, սական վերջին հետազոտությունները ցույց են տվել, որ նման մտահոգությունն անհիմն է:
Կանայք Թագավորական ռազմական նավատորմում ծառայում են 1990 թվականից ի վեր և կազմում են անձնակազմի 9 տոկոսը:
