News Georgia-ի փոխանցմամբ, Հարավային Օսիայի նախագահ Էդուարդ Կոկոյտին հայտարարել է, որ վայր չի դնելու իր նախագահական լիազորություններն այնքան ժամանակ, քանի դեռ վերջ չի դրել «նարնջագույն հեղափոխությանը».
«Ես պատրաստ եմ վայր դնել իմ նախագահական լիազորությունները միայն «նարնջագույն հեղափոխությանը» վերջ տալուց հետո։ Դրանց ժամկետն առանց այն էլ սպառվում է, սակայն ես պատրաստվում եմ իշխանությունը հանձնել միայն օրինական ճանապարհով։ Իսկ այն մարդիկ, ովքեր հանրահավաք են կազմակերպում Ցխինվալի հրապարակում (Ալլա Ջիոևայի համակիրները), խանգարում են ինձ դա անել»։
Հիշեցնենք, որ օրեր առաջ Էդուարդ Կոկոյտին Հարավային Օսիայում ստեղծված իրավիճակը համեմատել էր «նարնջագույն հեղափոխության» հետ՝ ընդգծելով, որ այն հովանավորում և ֆինանսավորում են Վրաստանի հատուկ ծառայությունները։
