Կալիֆոռնիայի Farallone առանձնատունը, որում ինչ-որ ժամանակ ապրել է լեգենդար երգիչ Ֆրենկ Սինատրան, վաճառքի է հանվել 12 մլն դոլարով: Ինչպես հաղորդում է The Business Insider-ը, 10 հազար քառակուսի մետր տարածք ունեցող տանը եղել են Մերիլին Մոնրոն, Փոլ Մաքքարթնին և Սինատրայի մյուս ընկերները, իսկ Ջուդի Հարլենդը և Վինսենտ Մինելլին այստեղ անցկացրել են իրենց հարսանեկան արարողությունը:
Պարբերականը գրում է, որ «մեղրի ձայնով» երգիչը, որի ստեղծագործությունները դարձել են համաշխարհային գլուխգործոցներ, առանձնատունն օգտագործում էր աղմկոտ երեկույթների համար: Հոլիվուդյան ռեժիսորները հաճախ այն օգտագործել են իրենց ֆիլմերի նկարահանումների համար:
Առանձնատունը կառուցվել է 40-ական թթ. վերջին՝ Chase Manhattan Bank-ի սեփականատիրոջ ժառանգորդուհի Դորա Հաթչինսոնի պատվերով: Մի քանի տարի հետո Հաթչինսոնը տեղափոխվել է Նյու Յորք և տունը վարձակալությամբ փոխանցել Սինատրային:
